Peregrinasaun ba Santuáriu Maria Auxiliadora
Iha loron 24 Jullu 2022, loron komemorasaun ba Maria Sarani sira-nia Tulun, komunidade edukativa Eskola Maria Auxiliadora (Dili) halo peregrinasaun ba Santuáriu Maria Auxiliadora iha Fatumaka. Peregrinasaun ne’e hola parte ba selebrasaun festa aniversáriu fundasaun Institutu nian ba tinan 150 iha lokál. Molok peregrinasaun. loron rua antes iha oportunidade hakbesik ba Sakramentu Rekonsiliasaun no selebrasaun Festa Gratidaun.
Ami to’o Fatumaka ba Missa tuku 9.00 dadeer, prezide husi padre Provinsiál SDB foun, P. Anacleto Pires SDB. Tuir Missa, hahú ho momentu marianu hodi halo Rozáriu sa’e ba foho “Gólgota”.
Peregrinasaun remata ho momentu fraternidade ne’ebé haboot ksolok no hakmaan fuan, hafoin filafali ba Dili.
ORASAUN
“Oh Maria Virjen, sarani sira-nia tulun, ami entrega ami-nia an ba ita-nia gia. Ami hasae ami-nia hanoin, ami-nia fuan no isin tomak no promete atu nafatin serbisu ba Maromak nia glória no ba ema hotu nia salvasaun liuliu foin-sa’e no labarik sira.
Proteje foin-sa’e no labarik sira no tulun sira ne’ebé idade ba oin, soi maksalak sira no sai konsolasaun ba sira ne’ebé agonia. Ita mak ami nia esperansa, Maria Inan tulun-na’in no odamatan lalehan nian.
Harohan ba Ita nia oan Jezús mai ami atu nune’e ami bele hakonu an ho karidade no fiar ne’ebé kle’an. Husu ba Jezús buat hirak ne’ebée ami labele halo ho ami-nia hakaran rasik no tulun ami iha ami nia peregrinasaun ne’e.
Atu ami nafatin haree Aman nia hakaran iha ami-nia moris. Ami husu ne’e, espoza kmanek Espíritu Santu nian, atu nune’e ami besik ba Jezús ho grasa”.
