Laga – Iha 20 Agostu 2022, Familia Salesiana, inklui Saleziano-Cooperadores, ADMA, Antigos/as alunas no foinsae sira hotu, halibur hamutuk iha uma FMA Beata Laura Vicuña Laga, ho objetivu prinsipal “Nudar familia ida hamutuk hasa’e agradese ba prezensa Institutu FMA nian iha mundo.” Partisipantes sira hotu  entuziasmu no sente haksolok tebes ho misaun FMA nian, nebe la’o ona durante tinan 150, iha mundo. Amo selebrante padre Rui Gomes SDB, iha ninia omilia  hateten: Ita Familia Salesiana soi duni atu agradese ba Aman Maromak ba prezensa FMA iha ita nia rain, tamba los duni katak resultado husi sira nia prezensa, halibur foinsa’e barak tebes nebe oras ne’e hetan susesu iha sira nia moris. Nia hatutan tan, misaun nebe madre Mazzarello ho irman sira dahuluk, hahu iha tinan 150 liu ba, ohin loron sai  hanesan misaun ita hotu nian nebe ita tenke kontinua  hamoris no haburas misaun salvasaun klamar foinsae sira nian  nee iha espiritu Salesiana nebe la’o nafatin iha Maria Auxiliadora ninia guia. Dala ida tan hamutuk ho familia Salesiana hato’o parabens ba FMA hotu.

Agostinha Magno FMA