Dili – Iha loron 21-22 Outubru 2022 Irmán votu temporánea sira husi Inspetoria TIN halo enkontru formasuan ho Ir Alma Castagna, provinsiál TIN. Iha formasaun ida-ne’e ami hakle’an kona-ba liafuan jeneratividade. Formasaun hahu ho pergunta sira ne’ebé konvida atu tama klean iha ami nia an kona-ba: saida mak jenera/buras iha ita nia laran? Saida mak ita bele jenera husi ita nia moris.

Iha pergunta 2  ne’e  nia resposta liga makas liu kona-ba sentimentu sira, hanoin sira, atitude sira no valor sira ne’ebé ema ida-idak iha ona no mos presiza kuda no servisu makas atu  haburas liutan atitude no valor sira ne’ebé seidauk iha nune’e bele sai konsagrada sira ne’ebé jenerativa iha mundu ohin loron nian tuir espiritualidade Fundador sira nian.

Formasaun kontinua hodi haree filme kona-ba cinderela hodi aprende liutan kona-ba sentimentu no valór sira husi atór sira nia espresaun iha filme.

Molok remata formasaun nu’udar grupu deskobre hamutuk  atitude no valor sira ne’ebe sei sai nu’udar impenhu atu moris nu’udar Juniora iha komunidade no mos iha misaun ne’ebé Na’i entrega mai ita ida-idak.

Valór no atitude sira ak tuir mai ne’e :

• Domin los neebe fo moris liu husi asaun konkretu iha idaidak nia misaun iha kuminidade
• Haksolok hodi simu no agradese nafatin
• Sai prezensa neebe ativa no hatene rona
• Simu bolu atu hamoris fila-fali ksolok no responsabilidade
• Laran manas liutan ba misaun
• Rekoñese defeitu sira hodi rona nafatin gia sira.

(Juniora sira TIN)