Jacinta Gusmão FMA
24 Fevereiru 2023
EBC Maria Auxiliadora Dili

“Ensino Básico Católico Maria Auxiilaidora”, fulan-fulan iha loron 24 halo komemorasaun ba ninia Padroerira, Na’i-Feto Maria Auxiliadora. Estudante hotu, menus Pré-Escolar sira, ba iha Igreja Parokiál, Maria Auxiliadora, Comoro atu selebra Eukaristia hamutuk hodi agradese Maromak no husu tulun ba Na’i liuhusi Na’i-Feto Auxiliadora ba paz iha Ukraina, basá ohin halo tinan ida Rússia hafunu Ukraina.

Iha loron sesta depoizde “Cinzas” leitura sira ohin nian fó hanoin kona-ba saida mak “jejún” ne’ebé Maromak hakarak.
Padre João Gaspar SDB ne’ebé prezide Missa konvida estudante sira atu hanoin kona-ba signifikadu loos jejún, ne’ebé la’ós la han na’an ka ice cream. Nia hateten “Profeta Isaias temi katak jejún ne’ebé Na’i Maromak hakarak, kona Maromak nia fuan mak jejún kona-ba ita-nia hahalok aat sira, ezemplu jejún ba tolok… Hahalok ne’ebé troka jejún mak tulun ema seluk, halo di’ak ba ita-nia maluk sira seluk, respeita ita-nia maluk sira seluk no sira-nia sasán”.