Venilale 30 Marsu 2023

Alice Filipe FMA

Ohin loraik, komunidade edukativu ( FMA, mestre/a, Antiga aluna no kolaboradora sira) husi  komunidade Santa Maria Mazzarello nian halo retiru hamutuk iha kapela komunidade. Pregador ba retiru ne’e Pe. Antonio Maria Guterres SDB, hodi fahe kona ba Mensajen Papa Francisco nian; “ Viajen Sinodal no Viajen Kuarezmal” ho Evanjellu konaba Jezús nia Transfigurasaun.

Sinodalidade katak lao hamutuk. Jezus hatudu ezemplu sinodalidade nian iha Evanjellu ne’e; Jezus lori eskolante nain tolu ba foho Tabor.  Iha ne’eba, Jezus koalia mos ho Moises no Elias.

Nune’e furak liu, nu’udar komunidade Edukativa halo viajen kuaresmal hamutuk liu husi Orasaun, Karidade no Abstinensia ne’ebe santa kreda haruka halo iha tempu kuaresma. Ohin ita halibur hamutuk iha ne’e atu halo viajen hamutuk atu to’o iha foho tutun. Maibe atu to’o iha ne’eba presiza rona mos Maromak Futar Lia, atu ita viajen hamutuk ho Maromak. Nune’e ita keta kole no rende tan problema no difikuldade oioin ne’ebe ita hasoru, maibe kontinua viajen to’o foho tutun mak SANTIDADE.  Nune’e ita bele selebra festa boot Paskua, Festeja Kristu nia Moris hias ho ksolok. Nune’e ita-nia viajen sinodal no viajen kuaresmal nia objetivu mak Santidade.

Hafoin depoizde reflesaun kontinua ho konfisaun no Eukaristia santa.