Iha enserramentu Semana Laudato Si’ nian, haloa tividade atu tau matan ba uma komún.

Agostinha Lopes  &  Zelia Lemos

Laga, 28 Maiu 2023

“Maromak hatudu Nia domin liu husi kria lalehan no rai, kria  ema no prepara buat hotu ne’ebe ema prezisa atu hetan moris ksolok no diak. Atu hetan moris ksolok, so hetan deit wainhira ema  moris tuir ninia dignidade nu’udar ema, moris hamutuk ho Maromak, moris hamutuk ho ema seluk no moris hamutuk ho natureza”. Ohin mak loron Enseramentu Laudato si nian, ba loron kmanek ohin nian komunidade Beata Laura Vicuña Laga Irmán sira no labarik interna sira festeza loron ne’e ho atividade oi-oin mak hanesan: kada grupu assosisaun prepara fini, Jogos ne’ebe prepara husi animadores Laudato si nian, hamutuk ho Me. Cecilia Del Mundo, no remata ho Rosario espesial (Rosario Laudato si). Mensajen husi  Madre Domingas da Costa (diretora da casa): “Buat ne’ebe imi aprende ona tenki tau iha pratica no kontinua iha moris tomak; hadomi no respeita  natureza (kuda , rega, hamo’os , uza sasan ho kuidadu no tuir nessesidade nst), soe lixu iha nia fatin, moris ho ordena, tau-matan ba malu no liu-liu hatene agradese nafatin ba Maromak Kriador.” Ho Evento ida ne’e  tulun Irmán sira no labarik sira atu hatene  tau matan ho domin no respeita ba uma komún.