Lihu Auxiliadora Cailaco 8 Agosto 2023

Inagurasaun uma Beata Maria Romero Meneses Cailaco.

Momento Grasa nian iha Cailaco.

Loron ohin sai istoria ida iha sarani Cailaco tanba Primeira vez selebra serimonia Inagurasaun uma foun, Colégio menina sira nian.

Evento ida nee hahu uluk ho Bidu Likurai hodi simu Autoridade sira kreda no nasaun nian.

Ema importante Amu vigário jerál Diocese Maliana nian Padre Lúcio nebe mak selebra solene Santa Eukaristia no fo Bensaun ba colégio ne’e.

Iha omilia Amu vigário tenik dehan: “iha evanjellu, evanjelista aprezenta kona-ba apóstolu sira nia fiar, nia konfiansa hasoru laloran moris nian, iha nebe buka Jesus, istoria Cailaco nian nebe Amu Belo aprezenta husi nia livru dehan tempu funu uluk nian iha rai Cailaco dura tempu naruk esperiensia nebe lori ba tempu barak malae mutin sira dehan ema Cailaco nee ema duro, Jesus ohin mos bolu ita atu hatene fiar metin ba Nia iha momento sira susar nian. Nune momento susar nebe uluk Madre FMA sira mai primeiro iha nee esperimenta ona moris susar nian. Agora tempu nee lori fali nia ksolok,  Metin iha Kristu. Aproveita ba tempu sira nee hodi buka atu sai Matenek prepara ba futuru sai diak”.

Madre Alma agradese ba autoridade sira nia servisu hamutuk ho sarani sira, hodi prepara evento ida nee maske uma seidauk prontu.

Momento sira nebe bele tulun Cailaco oan sira atu mehi diak ba futuro.

Nudar komunidade agradese ba Komunidade Balide Irman nain rua ho postulante sira mai tulun hamos no dekorasi iha tempu badak nia laran.

(Komunidade FMA Cailaco)