Agradesimentu komunidade no agradese ba 25 anos (Ir. Sebastiana FMA)

 

Domingas da Silva FMA

Cassa, 29 Agostu 2023

Iha loron ksolokida ne’e ho fuan gratidaun nian ita hahi no agradese Na’i ba kmanek oi-oin ne’ebé Nia haraik mai ita, iha tinan ida ne’e nia laran, liu husi ita ida-idak nia prezensa: oratorianu sira, familia no benfeitor sira, kolaboradora sira, padre sira no irman sira iha Komunidade Madre Rosetta Marchese nian. Ita ida-idak nia prezensa mak hariku malu ho Maromak nia domin no ksolok ne’ebé nafatin  bolu no halibur ita hodi haklaken no sai sasin ba Nia Liafuan liu husi ita moris loro-loron nian. Nu’udar komunidade, hamutuk ho oratorianu sira hasa’e agradese ba Na’i nia domin no fidelidade ne’ebé haraik ba ir. Sebastiana ne’ebé selebra 25 anos profisaun Relijioza nian, nu’udar Filhas de Maria Auxiliadora.

Molok atu to’o ba festa gratidaun nian iha praparasau espiritual hanesan oferese orasaun hodi reza ba malu, iha 28 reza Rozariu hamutuk no ohin selebra festa ho Eukaristia Solene. Selebrante ba Misa Pe. Eugenio Redentor dehan: “iha ita nia moris ita buka rikusoin ida ba ita nia an rasik, Jezus rasik dehan atu ita buka rikusoin ida ne’e; Maibe atu hetan nia tenki servisu makas, husik buat ne’ebé ita gosta liu hodi hetan fali nia no rikusoin ida ne’e tenki fo fuan liu husi ita nia moris rasik”. Ita buka rikusoin ne’ebé los nian hodi hela nafatin iha Jezus nia prezensa.

Remata tiha Misa, kontinua ho han hamutuk no ortorianu sira hatudu sira nia atraksi hodi agradese ba malu no hato’o sira nia parabens ba irman Sebastiana.