Cailaco, 31 Agosto 2023

Comunidade Beata Maria Romero Meneses.

Vizita kanónika Madre Provincial Madre Alma  husi 26 – 30 Agosto 2023.

Fuan nakonu ho gratidão simu Madre Alma doben iha ami nia komunidade hodi hare ami nia realidade moris iha misaun nebe ami halao.

Nudar Bensaun ida nebe hafoun hikas fali ami nia sim ba Maromak hodi fo kbiit mai husi enkontru sira pesoal no comunitária, no mos grupo sira, Oratorio nian Animadores no Oratoriano, ADMA no kolaboradores, Escola São Domingos Sávio no Familia sira Cailaco nian.

Triste tanba konstrusaun ba uma foun seidauk prontu nune ami kontinua simu madre iha uma tuan.

Iha enkontru sira Madre nafatin husu atu kualifika atividades sira ho kreatividade hodi hatan ba nesesidade moris nian, aten brani atu koalia no firme ho moris evangelho nian sai fermento diak ba ema hotu.

Domin boot ba Komunidade, Maromak nia familia no simu ema hotu.

Husu atu enkontru katekeze nian, sarani sira asume pessoalmente fiar tuir kultura evangelho nian.

Remata ho Papa Francisco nia Liafuan, dehan Moris nudar konsagrada sai maran se ita moris atu povu serbi ita….. Misaun sinal prezensa Kristu nian, ita simu bolun atu oferece moris ba feto no mane sira atu lori sira ba Jesus hodi kura sira nia kanek.

Obrigada Madre Alma Doben.

Boa saude e Boa Misaun,  Maromak hakonu ho bensaun iha knaar sira no intensaun sira hotu.