Liturjia domingu ne’e nian propin mai ita Jezús nia família nu’udar ezemplu no modelu ita-nia komunidade familiár nian… Hanesan Jezús nia família – liturjia loron nian – ita-nia família sira tenke moris iha atensaun konstante ba dezafiu Maromak nian ba maluk sira nia nesesidade sira.

Evanjellu tau ita iha Sagrada Família Nazaré nia oin ne’ebé apprezenta Jezús iha Templu Jerusalém nian: família ida ne’ebé rona Maromak nia Liafuan, buka konkretiza iha moris no konsagra ba Maromak nia membru sira nia moris. Iha figura sira Ana no Simeão nian, Lucas propoin mós ezemplu katuas no ferik sira ne’ebé ho matan iha futuru, ho kbiit atu komprende Maromak nia sinál sira no fó sasin Maromak nia prezensa makso’in iha ema sira nia leet.

Leitura daruak subliña dimensaun domin nian ne’ebé tenke suli husi ema sira ne’ebé moris “iha Kristu” nia jestu sira no aseita sai “Ema foun”. Domin ne’e tenke atinje, ho forma espesiál liu, ema hotu ne’ebé fahe ho ita espasu familiár no tenke tradús iha atitude sira komprensaun nian, laran-di’ak nian, respeitu nian, partilla nian, servisu nian.

Leitura dahuluk aprezenta, ho forma prátika liu, atitude ruma ne’ebé oan sira tenke iha ba ho inan-aman sira… Ne’e mak form aida atu konkretiza domin ne’ebé leitura daruak haktuir.

Download