RV – Hodi tuir siklu katekeze kona-ba família, noivadu mak tema katekeze Papa Francisco nian iha kuart, 27 Maiu. Tuir Papa Francisco, ne’e mak tempu koñese malu no partilla nian atu hamutuk trasa dalan, tanba laiha kazamentu ida hanaran”kazamentu express”.

Iha italianu, noivadu hanaran “fidanzamento”, liga ho liafuan “fiducia”, ne’ebé signifika “konfiansa”. Amu-Papa esplika katak, ne’e mak konfiansa ho vokasaun ne’ebé Maromak haraik, basá kazamentu mak uluknanai, deskoberta bolun ida husi Maromak.

Download

“Konserteza, furak atu joven sira hili atu kaben bazeia ba domin resíproku. Maibé justamente liberdade relasaun nian husu armonia konxiente desizaun nian, la’ós de’it komprensaun simples atrasaun nian eh sentimentu nian, momentu ida nian, tempu badak ida nian…. Nia husu dalan”.

Noivadu mak tempu ida koñesimentu resíproku nian, tenke sai tasak hanesan ai-fuan ida, basá aliansa domin nian entre mane no feto ba moris tomak la halo husi loron ida ba loron seluk. “La ezsite “kazamentu express’: presiza serbisu, la’o. Aliansa ne’e ema aprende no halo sai di’ak”.

Noivadu sai tasak to’o ba kazamentu, Amu-Papa esplika, hodi fó hanoin, importánsia kursu preparasaun nian ne’ebé oferese molok kazamentu no kazál barak hanoin la presiza eh la iha folin.

Importánsia Bíblia nian mós sai Amu-Papa nia argumentu. Papa Francisco fó hanoin katak iha nia kazál bele deskobre hikas momentu fundamentál sira ba katóliku ida, hanesan orasaun no sakramentu sira, atu prepara matrimóniu ho maneira sarani no la’ós mundana.

Papa Francisco husu ba joven sira atu keta haksoit liu etapa sira maturasaun nian. Períodu noivadu nian bele sai tebes duni, tempu inisiasaun ba surpreza don espirituál sira ne’ebé Na’i, liuhusi Kreda, hariku orizonte foun família foun nian ne’ebé prepara asn atu moris iha ninia bensan”.

Iha konkluzaun katekeze nian, Amu-Papa husu atu harohan Ave-Maria ida ba noivu/a sira hotu, atu bele komprende beleza dalan ne’e nian hodi to’o ba matrimóniu/kazamentu.