Kadeli korrente ida nian ne’ebé metin iha Mornese, “Uma Maromak nia domin nian” liga ho kadeli ida sei moris hela, ida ne’ebé ebsik liu ba orijen Institutu nian ho naran Irmán Irene Lanna.

Nia mak FMA tinan naruk liu Institutu ‘Figlie di Maria Ausiliatrice’ nian. Iha loron 11 Juñu mai ne’e nia sei halo tinan 112 moris nian.

Irmán Irene moris iha Ponte Nova (MG), Brasil, iha 1903 husi família tradisionál ida, ne’ebé hatutan domin wain ba nia no edukasaun sosiál no sarani. Naran nia simu iha Batizmu, sai – ita bele dehan – profétiku. IRENE katak Dame.

Durante nia moris tomak, Ir Irene Lanna ko’alia kona-ba dame. No, ohin mós, ne’ebé nia supera ona tinan 12 sékulu ida moris nian, nia halo ema hakfodak no ninia modu simples no delikadu ne’ebé naturalmente esprime dame.

Nia halo votu relijiozu dahuluk iha Institutu FMA nian ho tinan 21, loron 6 Janeiru 1925. Iha Janeiru tinan ne’e nian, nia selebra nia tinan 90 profisaun relijioza nian, moris ho entuziazmu, serenidade no komuñaun kle’an ho Maromak, dedika an tomak ba foin-sa’e sira nia edukasaun.

Nia distinge an tan nia kualidade únika sira edukadora nian, relijioza salezian, ho kapasidade atu anima komunidade barak, iha rejiaun oioin Brasil nian. Nia sai diretora iha eskola barak, husi 1936 to’o 1970. Nia mak Konselleira inspetroiál dahuluk brazileira, iha Belo Horizonte (MG), misaun ne’ebé nia asume ho fidelidade kriativa ba karizma salezianu, husi 1949 to’o 1969, iha Provísia oioin.

Irmán Irene nafatin impresiona ho ninia delikadeza hahalok laran-maus nian, ba ninia retidaun moris nian, koerénsia, determinasaun hamutuk ho reflesaun no serenidade, karakterístika hotu ne’ebé evidensia nia nu’udar ema dame nian. Nia nunka ko’alia sai liafuan ne’ebé la oportunu. Feto delikasa, esensiál no aten-barani, nia nafatin simu labarik sira no foin-sa’e sira kiak liu, hodi loke ba sira orizonte foun moris nian iha dalan evanjelizasaun no edukasaun nian.

Nia nafatin defende katak moris di’ak iha dame mak segredu ba vida naruk no saude di’ak. Nia aprende atu anima no governa, hodi kria relasaun hakmatek, loos no pasífika. Irmán Irene Lanna revela mai ita Maromak ida nia oin di’ak no laran-maus! Nia nafatin aprende fó sentidu no razaun ba ninia esperansa iha nia moris naruk tomak.

Instituto FMA nian selebra ho graidaun ninia tinan 112 vida nian, rika ho sabedouria, fekundidade karizmátika, fidelidade, sasin vokasionál moris loroloron iha akollimentu ksolok nian ba Maormak nia vontade.

Soi tebes atu moris naruk, bainhira kuda laran-di’ak, hodi komunika ba ema hotu sensu dame nian, ne’ebé nia naran lori: IRENE – Liurai-feto Dame nian!

Nia hanoin sei moos natón, hatene rona, rekoñese ema ne’ebé visita nia, hamnasa ho domin, apresia vizita sira no enfermeira sira nia kuidadu. Nia ko’alia uitoan, hanesan baibain nia halo, No kontinua halo ita hakfodak ho  ninia hahalok nobre no kuda dame.

Iha komuñaun ho Maromak nia kontinua sai sasin serena no moris ida saran ba jerasaun foun sira.