B-O-S-C-O-NIAN YOUTH SUMBA: SATU SEMANGAT, SEMANGAT DOM BOSCO

WOW……. Saida mak ne’e?

Palla (Indonesia) – Ne’e mak yel-yel iha Momentu Juvenil Salesianu nian iha Sumba. Notisia foun…..tanba, atividade ne’e hala’o ba dala uluk iha rai rohan Indonesia nian ne’e. Atividades Bosconian youth Sumba hala’o durante loron tolu, husi loron 14 no ninia tutun iha Don Bosco nia loron moris nian (hatene toooo….!) enkontru ne’e ho nia tema GO, GROW AND GLOW. “GO” hahu ho sesaun kona-ba Joãozinho nia infansia iha Becchi (mehi tinan 9). Pe. Arnold mak hato’o sesaun ida ne’e, hakarak dehan katak maski DB iha problema ekonomia no iha uma laran ezemplo ho Antonio maibé ho mama Margarida nia akompañamentu nia bele liu difikuldade ho aten brani. “GROW” koalia kona-ba DB nia Juventude liuliu koalia kona-ba ninia amizade (best friend: Secondo Matta, Luis Comolo…nst). “GLOW” koalia kona-ba DB nia mehi ne’ebé realiza tiha ona nu’udar Nailulik,bainhira nia sai Nailulik mama Margarida hameno: ”Ha’u moris mai kiak no hakarak mate kiak mos” se o sai Nailulik riku, ha’u sei la sama ha’u nia ain iha o nia odamatan” mensajem ne’e mak akompaña ninia moris tomak iha ninia misaun. Furak tebes bainhira ema iha mehi maibé furak liutan ba ema ne’ebé realiza mehi ne’e. DB realiza ona mehi ne’e; dehan amo Vikjen iha ninia omilia, nia hatutan tan hodi husu ba  foinsa’e sira oinsa ho imi? DB la’os servisu deit bainhira nia sei moris iha rai ne’e, maibé nia kontinua servisu iha lalehan ho hein ita idaidak iha lalehan “ha’u hein imi iha lalehan. DB”.

(FMA Palla)