Kuestionáriu nia objetivu mak tulun atu esprime komprensaun mundu juveníl no lee sira-nia esperiénsia akompañamentu  vokasionál nian, hodi rekolle elementu sira ba redasaun Dokumentu serbisu nian ba bispu sira no sira -ne’ebé simu bolun atu partisipa iha Kreda nia reflesaun kona-ba “mundu” Joven sira-nian.

a) Joven, Kreda no sosiedade

1. Ho modu oinsá mak ó rona joven sira nia realidade?

2. Sá de’it dezafiu prinsipál sira no sá de’it oportunidade signifikativa sira ne’ebé presiza hanoin ba ohin loron?

3. Tipu no fatin sá de’it dioseze eh parókia, institusionál eh lae propoin ba agregasaun/soru-mutu juveníl, hetan susesu boot liu, no tanba sá?

4. Tipu sá de’it no fatin sá de’it agregasaun/soru-mutu juveníl, institusionál eh lae, hetan susesu ne’ebé la tama iha sírkulu diosezana no parokiál, no tanba sá?

5. Saida mak joven sira konkretamente husu ba Kreda ohin loron?

6. Sá de’ti, tuir ó, espasu sira partisipasaun nian ne’ebé joven sira iha iha Dioseze eh parókia nia moris?

7. Oinsá, ó hanoin, bele tulun joven sira atu hateke ba futuru ho konfiansa no esperansa iha ó-nia rain?

8. Oinsá no iha-ne’ebé imi konsege hasoru joven sira ne’ebé la frekuenta imi-nia ambiente ekleziáli?

b) Pastorál vokasionál

9. Envolvimentu sá de’it husi família no komunidade iha joven sira nia dixernimentu vokasionál?

10. Sá de’it kontributu sira ba formasuan ba dixernimentu vokasionál husi eskola no universidade sira eh instituisaun formativa sira seluk nia parte (sivíl eh ekleziál)?

11. Ho modu sá de’it imi fó atensaun ba mudansa kulturál ne’ebé dezenvolvimentu mundu dijitál lori?

12. Ho modu saida mak Jornada mundiál Juventude nian eh eventu nasionál eh internasionál sira seluk konsege tama iha prátika pastorál ordinária?

13. Ho modu saida mak iha imi-nia Dioseze sira halo projetu kona-ba esperiénsia no dalan pastorál juveníl vokasionál?

c) Akompañadór/a sira

14. Tempu no espasu saida de’it mak bibi-atan sira no edukadór/a sira seluk dedika ba akompañamentu espirituál pesoál?

15. Sá de’it inisiativa no dalan formasaun nian ne’ebé halo ba akompañadór/a vokasionál sira?

16. Akompañamentu pesoál ida-ne’ebé mak propoin iha semináriiu sira?

d) Pergunta espesífika ba Ázia

17. Tanba sá no oinsá mak proposta agregasaun ne’ebé realidade esterna ba Kreda oferese ba joven sira ezerse faxíniu/atrasaun iha joven sira?

18. Oinsá tau hamutuk valór sira kultura lokál nian ho proposta kristán, hodi valoriza mós piedade populár?

19. Oinsá utiliza iha pastorál linguajen juveníl sira, liuliu média, depsortu no múzika?