Dili – Iha loron 14 de Jullu Eskola Maria Auxiliadora, estudantes 9⁰  Ano 3⁰  ciclo, ba vizita muzeum iha area Universidade Nacional Timor Leste  nian. Madre Ermelinda da Silva mak akompaña estudante sira ne’e.

Objetivu vizita museum mak atu hatene istória pasadu nian, nune’e estudante sira jerasaun foun bele hatene joven sira nebe fo sira nia -an no moris tomak faka ran no  mate hodi defende nia rain. Ho vizita ida ne’e halo sira konsiente  liu tan hodi estuda dididak atu bele banati tuir ita nia funu-na’in no foin-sa’e sira ninia hahalok aten brani nian hodi defende rai doben Timor leste  . Estudantes kontente  teb-tebes  wainhira rona senhor Alvaro Vasconselho ninia hak tuir kona ba funu na’in sira nia luta hodi defende no luta ba rai TL to’o ohin loron hetan ukun-an.Estudante  sira  hatuir tan: laos deit atu goza  buat nebe iha ona ami nia oin no hasoru dau-daun maibe nu’udar estudante  ami mos tenke haka’as an atu kontribui buat ruma ba nasaun doben ida ne’e, hodi bele dezenvolve ba nasaun ida ne’e nia di’ak.

(Grinalda da Costa)