Dili – Asian Youth Day (AYD) ka loron joven sira Ázia nian mak enkontru juventude Ázia nian ne’ebé hala’o tinan tolu dala ida. Tinan-tinan partisipante sira mai husi nasaun oioin Ázia nian no maizumenus rihun ida. Tema ba tinan ne’e mak “Joyful Asian Youth! Living the Gospel in multicultural Asia” ka “Juventude Aziátika haksolok! Moris Evanjellu iha Ázia ho kultura wain”. Iha enkontru ne’e sei hala’o atividade oioin atu haburas laran-manas misionáriu. Tinan ida-ne’e Indonesia mak uma-na’in ba foin-sa’e aziátiku sira no husi Timor-Leste mós sei partisipa foin-sa’e sira husi dioseze tolu. Husi Movimentu Juveníl Salezianu (MJS) sei haruka mós partisipante na’in tolunulu hamutuk ho Pe Alarico SDB, Ir Floriana FMA no Ir Angelita FMA.

Molok sira bá, partisipante sira halo formasaun sira kona-ba tema no mós prepara sira-nia atividade atu fahe iha sira-nia enkontru sira, hala’o iha dioseze Semarang no dioseze Surabaya. Loron ikus sei hamutuk iha Yogjakarta.

Ohin dadeer Partisipante AYD husi MJS hasoru malu ho Ir Alma Castagna,FMA (Provinsiál FMA) hodi rona lia-menon husi nia. iha ninia mensajem nia hato’o ba foin-sa’e MJS sira tuir enkontru ida-ne’e atu “hametin sira nia fiar hodi sai sasin fiar nian ba ema seluk. Inu AYF kona-ba ksolok. Ida-ne’e mak tempu di’ak atu hatudu ksolok loloos espiritualidade saleziana nian. Okaziaun di’ak atu koñese mós maluk foin-sa’e sira husi fatin seluk Ázia nian”

Enkontru taka ho ezortasaun atu bainhira filafali mai partisipante sira fahe fali sira-nia esperiénsia ho joven sira seluk iha Timor-Leste durante “Forum MJS” iha fulan Agostu.

Loron Juventude Aziátika sei  hala’o husi loron 30 Jullu-7 Agostu 2017.

(Redasaun-Angelita Gomes)