Dili – Ohin Inspetoria FMA TIN halo selebrasaun entrada iha novisiadu ho novisa foun na’in haat: Domingas da Silva, Ingracia Sarmento, Sidonia Freitas no Teresa Correia de Carvalho. Selebrasaun simu medalla novisa nian mak marka entrada iha novisiadu, nu’udar “períodu inisiasaun loloos ba vida relijioza” (Konst.90).

Iha ninia mensajen ba novisa sira, Ir Alma Castagna ne’ebé simu novisa foun sira, dehan katak ba sira katak Maromak mak fihir sira, iha tempu ne’e atu sai protgaonista, Maromak nafatin hamutuk ho sira nune’e nia husu atu “husik Maromak ukun imi no gia imi nia dalan”. Nia subliña tempu novisiadu nu’udar etapa atu “hakle’an ezijénsia tatuir Kristu nian iha vokasaun saleziana” (idem). Reflete Maromak nia Liafuan, estuda no assimila Konstituisaun, dixiplina iha an rasik hodi halo integrasaun serbisu no orasaun, asume identidade FMA, ne’e mak empeñu sira kandidata sira eh novisa sira-nian iha etapa ne’e. Ir Alma mós husu novisa foun na’in haat atu iha moris loroloron, buka hamutuk atu sai fini di’ak, fini harii nian… husik Maromak akompaña sira bá oin, to’o “saran an tomak ba Maromak de’it”.

Partisipa iha selebrasaun ne’e, komunidade postulantadu no komunidade novisiadu.

(Maria Sarmento Guterres)