Dili – Iha tinan Biblia nian iha diocese Dili eskola Maria Auxiliadora mós la lakon oportunidade di’ak ida ne’e . Nune’e, hahú 2/9/2017 eskola organiza hodi  halao kompetisaun kuiz Biblia husi 1⁰ ciclo  3⁰ Ano to’o 3⁰ ciclo 9⁰ Ano. Material konkursu nian ne’e la fo deit  ba konkorente sira maibe fo  ba aula tomak, sira hotu estuda, dekor  no konpete uluk iha sira nia aula  rasik kada grupu,  hafoin ba  kada klasse ikus nian mak klase ida ida hetan primeiru lugar mak tama iha final iha gym laran  EBC M.A, ne’ebe realiza iha dia 9/9/2017.  Tempu hanesan diretora da eskola fo hanoin ba estudante sira katak “labarik sira hotu dekor didiak  tanba sira nia memoria forte liu,nune’e  la to’o deit atu dekor hanesan be suli maibe  presiza hanoin hetan no moris tuir iha moris loron loron buat ne’ebe  dekor tiha ona;”. Hanesan S. Jeronimo nia lia fuan ne’ebe dehan “Sé mak hewai Biblia aumezmu tempu nia mos hewai Maromak”.

Objetivu ba kuiz ne’e atu labarik sira estuda hodi  haklean liu tan sira nia fiar. Santa Kreda oferese mai ita fonte 2 ne’ebe halo ita konese liu tan Jesus nudar Maromak oan, liu husi Biblia no tradisaun Kreda nian.

(Grinalda da Costa)